Öll almenn lögfræðiþjónusta og ráðgjöf fyrir einstaklinga, fyrirtæki, sveitarfélög og stofnanir. 

Fjölskyldu- og erfðamál

Við sinnum hagsmunagæslu fyrir foreldra í forsjármálum sem og í deilum um lögheimili eða umgengni. 

Við gerum kaupmála og samninga vegna skilnaðar eða sambúðarslita.

Við gerum einnig erfðaskrár, aðstoðum við dánarbússkipti og tökum að okkur hagsmunagæslu fyrir erfingja.

Sakamál

Við sinnum verjanda- og réttargæslustörfum í sakamálum. Höfum yfirgripsmikla sérhæfingu á þessu sviði bæði á rannsóknarstigi og fyrir dómi.

Tökum einnig að okkur gerð bótakrafna í sakamálum.

Útlendingamál

Við veitum víðtæka ráðgjöf á sviði útlendingamála. Við sinnum réttindagæslu fyrir umsækjendur um alþjóðlega vernd auk þess sem við aðstoðum innflytjendur við að sækja um dvalarleyfi og ríkisborgararétt.

Þá tökum við að okkur ýmiskonar aðstoð og ráðgjöf á þessu sviði, m.a. vegna áritunarmála og brottvísunarmála.